वार्षिक स्नेहसंमेलन २०१९-२०

​

''साई संस्था, डोंबिवली शाळांचे स्नेहसंमेलन उत्साहात''

​

         डोंबिवली येथील साई संस्थेचे मराठी,गुजराती व इंग्रजी माध्यमाचे वार्षिक स्नेहसंमेलन ५फेब्रुवारी २०२० रोजी मोठया उत्साहात पार पडले,
     स्नेहसंमेलनाची सुरुवात 'ओमकार स्वरूपा' या ईशस्तवनाने झाली.या स्नेहसंमेलनात विद्यार्थ्यांनी नृत्य, लावणी,कोळीगीते यासारखी व इतर सांस्कृतिक कार्यक्रम सादर करण्यात आले.संमेलनास सिनेक्षेत्रातील अभिनेते श्री.दत्ता मोरे, अभिनेत्री सौ.केतकी पालव, उद्योगक्षेत्रातील उद्योजिका व आर पी जी  ग्रुपच्या संचालिका व शाळेची माजी विद्यार्थीनी  सौ.राजश्री गायकवाड प्रमुख पाहुणे म्हणून उपस्थित होते.
      अभिनेते श्री. दत्ता मोरे व सौ.केतकी पालव यांनी शाळांची प्रगती पाहून साऱ्यांचे कौतुक केले.सौ.राजश्री गायकवाड यांनी साई संस्थेत कसे घडलो,याविषयी आपल्या आठवणी सांगितल्या.प्रसिध्द वकील  श्री. रत्नदीप पाटील यांनी मुलांचे भवितव्य योग्य व्यक्तीच्या हातात गेले आहे असे सांगितले. कारण आम्ही श्री. नरसू पाटील सरांमुळे घडलो आहे. अध्यक्षीय भाषणात संस्था अध्यक्ष श्री. नरसू पाटील सरांनी मुलांनी मोठी स्वप्ने पहावीत असे सांगितले. 
        इंग्रजी माध्यामाचा इयत्ता १० वी चा निकाल सतत ७ वर्षे १००टक्के लागत आहे.तर मराठी माध्यमाचा निकाल ८० टक्के च्या वर लागत आहे.
        सदर संमेलनास महाराष्ट्रातील थोर शिक्षण तज्ञ श्री. अमोल ढमढेरे सर,संस्था अध्यक्ष श्री. नरसू पाटील सर,  सचिव श्री. ब्रह्मानंद पाटील, खजिनदार सौ.पद्मिनी पाटील,विश्वस्त डॉ. प्रणाली पाटील, श्री. मिलिंद ठाकूर,तसेच श्री. जगदीश मढवी, श्री. अंकुश जोगळे, श्री. शशिकांत कांबळे, संकेत शेट्ये,  इंद्रजीत, सौ.कमलावती तांडेल,अभिनेता सिद्धेश नलावडे, शाळेचे माजी विद्यार्थी आदि मान्यवर उपस्थित होते. तसेच शाळांचे मुख्याध्यापक श्री. दिलीप पाटील, श्री. संदीप पिळणकर,मुख्याध्यापिका सौ.श्रेया बागवे, सौ.संगीता पासड, तसेच शिक्षक व शिक्षकेतर कर्मचारी उपस्थित होते. सर्व कर्मचाऱ्यांनी कार्यक्रम यशस्वी करण्यासाठी खूपच मेहनत घेतली.
     संमेलनाचे सूत्रसंचालन श्री.नंदकुमार वाढविंदे, प्रस्ताविक सौ.श्रेया बागवे, तर आभार प्रदर्शन श्री. संदीप पिळणकर यांनी केले.